You and Your Teenager – Sāmoan version

You and Your Teenager – Sāmoan version

HE Code: 
HE1707
Language: 
Also available in: 
Format: 
Pamphlet A5
Publication date: 
1 May 2009
Status: This resource is online only.
Information in Sāmoan about safe sexual practices. For parents and caregivers to discuss with teenagers.

‘O ‘oe ma lou alo talavou

‘Ua fotua‘i malama samoa ole tausaga fou ma ‘ua ma‘alo fo‘i le i‘u‘ofe ile silasila i fa‘afitauli o lenei tausaga, aemaise fa‘ama‘i e mafua mai ‘o na ‘o feusua‘iga e le puipuia.

To maia lau fa‘autautaga e lagolago ai le soifua maloloina ‘o o tatou tagata mai le afaina i.

Fa‘ama‘i e mafua mai ‘o na ‘o feusua‘iga.

O le ‘avea ‘o ‘oe o se matua, e tele se fiafiaga e maua mai ai, ‘ae ole mea moni lava e le o se galuega e faigofie ona fai. O le fa‘afoeina o se olaga o se tamaitiiti talavou, e i ai ni itu e lu‘itauina ai tatou, ma o isi taimi e fa‘apala‘ai tagata fo‘i. E te nofo ma e mafaufau i nisi taimi pe o sa‘o ni filifiliga o lo‘o fai e lau tama, pe o fenumia‘i fo‘i ma ni tagata amio lelei.

O tupulaga talavou i nei onapo, e ono fesouaina o latou mafaufau ona o fa‘amatalaga latou te maua mai i televise ma leitio, amioga fa‘a-le-autalavou, ni uo, o latou aiga faapea ma ekalesia, e uiga i mataupu o le feusua‘iga. E tele ina fete‘enai nei fa‘amatalaga ma talitonuga. O isi fo‘i matua e faigata ona saoloto le fa‘atalanoaina o nei mataupu i o latou alo teine po‘o alo tama fo‘i. O le ala lea ua o matou saunia ai lenei pepa ina ia fesoasoani ai i matua/ma e o va‘aia alo talavou, i le fa‘ailoa atu lea i o latou alo ma tupulaga talavou auala e ao ina puipuia ai i latou.

E iai ni mataupu e faigata ona talanoaina ma sou alo aemaise pe ‘a talanoaina le mataupu lenei ole feusua‘iga. I o tatou augā-tupulaga, ua faigata lea ona fa‘atalanoaina lenei mataupu ole feusua‘iga, aemaise ma o tatou mātua, ona o le soifuaga lena ma lona vaitau. O le mea moni ua to‘atele le tupulaga talavou ua vave ona laasia tulaga ia, ma, e lē o faia e i latou filifiliga e sili ona talafeagai mo lo latou soifuaga saogalemu.

O nisi o taimi e mo‘omia ai e tupulaga talavou taimi ma avanoa e mapu ane iai le mafaufau i mea e taua i latou soifuaga e pei o tu-ma-agaifanua, ua ‘avea lea ma o latou si‘osi‘omaga i lenei olaga, e a‘afia ai ma feusua‘iga, o aga faatama pe faateine ma ni mea latou te lagonaina e pagamalie mo latou lava ae le‘i o‘o atu i le faatinoina o se fai aiga po o se feusua‘iga.

E tatau ona iloa ma fa‘ataua e tupulaga talavou: ole ‘a le afaina lea pe ‘a fai e tali atu “e leai” i se feusua‘iga. A fai fo‘i ole a tali ‘ioe ma fa‘atino loa se feusua‘iga, e tatau ona malamalama i auala saogalemu aua lo latou soifua puipuia.

Afai o le a filifilia e tupulaga talavou e faiaiga ae e lē puipuia, e ono tutupu ai ni fa‘afitauli pei o se maitaga e lei fuafuaina pe maua fo‘i ini siama e auala mai i feusuaiga (STI).

  • Ua sili atu ona toatele talavou mai le 15–19 tausaga ua aafia i le STI na i lo tagata matutua.
  • E sili atu le maualuga o le fuainumera o tupulaga talavou e ono maua i ni faama‘i STI e lua pe sili atu fo‘i i le taimi e tasi.

O le talanoaina o le faiaiga puipuia e tāua lea i le taofiina o le tuputupu ‘ae pea o fa‘amai e mafua mai i feusuaiga (STIs) a tupulaga talavou o Niu Sila. O le sini o lenei pepa ina ia avatu ia te oe ni itu tāua atonu e ono amata ai se talanoaga ma lou alo po oni fesoasoani e te maua mai ai nisi faamatalaga e uiga i le faiaiga puipuia aemaise maitaga e lei fuafuaina ma fa‘amai fepisi‘ai i taimi o feusuaiga (STI).

O mafuaga e taua ai le talanoaina o lenei mataupo ma lou alo!

  • O siama fepasiai i taimi o feusuaiga (STIs), ua fa‘ateleina pea aemaise i fanau talavou.
  • E i‘u ina to pe ma‘itaga ai ae le‘i fuafuaina.
  • Ua fa‘ateleina fo‘i le to‘atele o tagata pisia i le HIV (fa‘amai oti).
  • O fa‘amai (STIs), e i‘u ina le mafai ona toe ma‘itaga ai pe i‘u ai i nisi tulaga faigata ao mamafa/tauaveina le pepe, ma pe a fanau fo‘i.
  • E ono tiga, e ono sau ai se suavai i lea itutino, mageso ma piliki.
  • O le fa‘aaogaina o le paufai i le taimi e faiaiga ai ole a fa‘aitiitia ai le ono maua i se fa‘amai o le STI po‘o le HIV.

E fa‘apefea ona e fesoasoani i lou alo talavou ina ia puipui i latou?

Su‘esu‘e i ou lava lagona

O le talanoa i lou alo tama po o lou alo teine e uiga i le fai-aiga e le faigofie. Afai e le faigata ia te oe ona talanoa i le tulaga lea i lou alo, o lo‘o tele nisi o auala e fesoasoani ai mo oe, afai e leai, talanoa ma fa‘ailoa ou lagona i sau uo e te talitonuina, o se tasi o le tou aiga, se foma‘i po‘o le taitai fo‘i o se ekalesia, e uiga i ou lagona.

Talanoa i mataupu lautele

Ua iloa e lou alo ou lagona e uiga i le faiaiga ‘ae le‘i fa‘aipoipoina, aemaise pe ‘a maua i se ma‘itaga a‘o laititi? O le a sou manatu i se mea e fai e lou alo pe a tupu se mea faapenei? O latou iloa le mea e ta‘u o le faiaiga puipuia? O le a tele ni fa‘afesili e ono tula‘i mai e uiga i mataupu ia.

Atonu o latou iloaina lou lagolagoina o i latou ina ia lelei a‘oa‘oga ma galuega ae fa‘apefea le itu ose mafutaga e ono o‘o ise la‘asaga o le feusua‘i po o le faiaiga?

A‘o mo‘omiaina e le fanau talavou ia malamalamaga i mea moni e tutupu i le olaga e uiga i fa‘amai o le STIs, aemaise le mo‘omiaina o fa‘amatalagao I feusuaiga puipuia, e taua foi ona fesoasoani ia i latou ina ia malamalama ai. E pei ole alofa, fa‘aeteetega ma avea o se tiute tau ‘ave. O le talanoaina ma lou alo o itu tau i ou lagona e afua mai i so‘o se auala o mafutaga ma tulaga fa‘a-feusua‘iga, o le a avea lea ma ala e fa‘ateleina ai lona iloa e faia ai filifiliga ile se taimi o i luma aua lona puipuia saogalemu.

Fesili ma tali

O le a le STI?

O le STI po o le siama pipisi e fepasiai i taimi o feusuaiga. E fesoasoani le pa‘u-fai i le puipuiina o ‘oe mai nei siama e pei o le chlamydia, le gonorrhoea, ma le fa‘amai o le HIV. E ono mafatia ‘oe ile tiga pe ‘a maua ‘oe ile STIs, ma, e i‘u ina le toe maua ‘oe ile ma‘itaga/fanau ai, e ono maua ‘oe ile kanesa ma nisi fa‘amai tuga. O nisi o taimi, e ono sau ai se suavai, mageso pe piliki fo‘i, ae o nisi lava taimi e tusa lava pe leai se tiga ma nisi o fa‘ailoga va‘aia e pei ona taua i luga.

Ina ia puipuia lelei mai feusua‘iga, e tatau ona sa‘o le fa‘aaogaina o le pa‘u-fai, ma, e tatau ona fa‘aaoga i taimi uma lava e faiaiga ai se tagata.

Pe le o le talanoa i la‘u tama talavou i le fa‘aaogaina o le pa‘ufai e ono mana‘o ai ia fa‘atino le feusua‘i?

Leai, o le talanoa i lou alo e uiga i le pa‘u-fai e le ono mana‘o ai ia fa‘atino le faiaiga pe mana‘o ai e fa‘ateleina le feusua‘i. A‘e e fa‘ateleina ai lona mana‘o e faaaoga le pa‘u-fai pe a faiaiga, ma, o le mea lea o le a puipuia ai i latou mai faamai STI.

E toafia ni fanau talavou o fa‘atinoina feusuaiga?

Na faia se sailiiliga i le tulaga soifua maloloina o fanau o i a‘oga maualuluga (2007 Youth Health Survey), ma lipotia mai ai, o le 38% o alii ma le 35% o teineiti a‘oga, ua uma ona latou faia feusuaiga.[1]

Ole a la le mea ua le fa‘ataua ai le le ‘auai i feusuaiga?

Mo alo talavou ua manatu iai i lea tulaga, ua tatau ona lagolagoina lea fa‘aiuga. Mo i latou o lo‘o auai ma fa‘atino feusuaiga, e tatau ia i latou ona iai puipuiga aua lo latou saogalemu ma le puipuia mai STI.

O ni a‘oa‘oga mae‘ae‘a lelei i mataupu tau feusuaiga, o se fuafuaga aogā tele e fesoasoani ai i tupulaga talavou ina ia lē vavevave e faia feusuaiga. O le auala e sili ona aogā o le momoli atu fa‘atasi le feau e alofia feusuaiga, ma fa‘amatala lelei auala e taofia ai le o‘o ina maitaga, ma isi mataupu tau i feusuaiga, ma o le faaitiitia ai le faia o feusuaiga ma/pe faaaogā atili ai fo‘i auala e taofia ai le maitaga.[2]

Ae e le o le matafaioi a le matua o le a‘oa‘o lea o fanau i le soifua maloloina o le itu fa‘afeusuaiga?

O lo‘o i mātua le galuega tāua o le a‘oa‘oina o le tupulaga talavou i le soifua maloloina o le itu o feusuaiga, ae o lo‘o tatou iloaina foi o lo‘o maua e tupulaga fa‘amatalaga mai auala ese‘ese, e aofia ai a‘ogā (ua avea ai le a‘oa‘oina o le itu tau feusuaiga o se vaega o le polokalame a le a‘ogā), o uō ma le initaneti. O a‘oa‘oga lelei e aogā mo le soifua maloloina o le itu tau feusuaiga, e moomia ona faia fa‘atasi e mātua, a‘oga ma le komiuniti.

Mo nisi faamatalaga

O lo‘o i ai ni faamatalaga e uiga i le soifua maloloina fa‘a-le-faiaiga ua saunia fa‘apitoa mo fanau talavou. O lo‘o fa‘amatala ai fo‘i fa‘amai ona o feusuaiga fa‘atasi ma feusuaiga puipuia.

Fa‘afeso‘otai le Falema‘i o Aiga Fuafuaina fa‘apitonu‘u po ose matagaluega o le Soifua Maloloina Fa‘a-le-faigaaiga o lo‘o maua iai fesoasoani aogā a le Asosi o Aiga Fuafuaina mo tupulaga talavou ma matua e pei o nei:

Matua – talanoaga ma lau fanau i le fai-aiga (Parents – talking with your kids about sex) – O se tusi mo aiga i auala e talanoa ai i fanau mai le 8 i le 14 tausaga le matutua, e uiga i le faiaiga.

O le Upu (The Word) – Mo fanau talavou uma. I totonu,o lo‘o iai ni fa‘amatalaga i mea moni na tutupu, ma, tali i fesili o lo‘o fesiligia ai pea e le au tupulaga talavou ia mataupu e uiga i feusuaiga, lagona, ma, mafutaga.

Lau filifiliga (Your Choice) – mo fanau talavou, e mafai ona silasila ai i nisi faamatalaga mai tupulaga talavou i isi vaega o Niu Sila atoa ina ua fesiligia i latou e uiga: i le faiaiga, mafutaga, ni mea o mamafa io latou mafaufau, fuala‘au fa‘asaina aemaise le ‘ava malosi.

Mo nisi faamatalaga:

Siaki lau tusi telefoni mo le lisi o lou pitonuu:


[1] Adolescent Health Research Group. (2008). The Health and Wellbeing of Secondary School Students in New Zealand: Initial Findings. Auckland: The University of Auckland.

[2] Stover D. (2007). Should we be teaching sex education or sexual abstinence? Education Digest.