Newborn Hearing Screen Results - te reo Māori version

Leaflet in te reo Māori explaining that a baby has passed its newborn hearing screening, including a checklist for parents to keep monitoring their baby's hearing.

Ngā Hua Mātai Rongo a te Pēpi

Te Mātai i te Pēpi

Ngā aromatawai hauora kore utu mō tō pēpi

I tēnei rā i puta tō pēpi i te mātai rongo

Ko te tikanga o tēnei i te wā o te mātai, i te pai te rongo a tō pēpi.

Ngā tūponotanga

Ko ētahi o ngā pēpi ka puta i te mātai rongo ka tipu pea te mate rongo i muri iho. Ko te tikanga o tēnei nā ngā tūponotanga, pēnei i te whakapokenga i te wā o te hapūtanga. Ka kōrerohia atu koe i te wā o te mātai mēnā me whai anō i tētahi whakaritenga i muri iho me tētahi mātanga rongo (tākuta rongo). Mēnā me whai i tētahi whakaritenga anō, ehara i te mea kei te mate haere te rongo a tō pēpi engari he pai tonu ki te tirotiro haere e tētahi tākuta rongo.

Rārangi arowhai

Ka āwhina te rārangi arowhai i muri o tēnei mātārere i a koe ki te aroturuki i te kōrero me ngā pūkenga reo o tō pēpi i a ia e tipu ana.

Kei roto anō ēnei tirotironga rongo i te Pukapuka Hauora Well Child Tamariki Ora a tō pēpi, hei whakakīkī māu i mua i ia tirotiro Tamariki Ora.

Kei roto i ēnei tirotironga Well Child Tamariki Ora ko ngā pātai mā ngā mātua mō te kauneke o te rongo, te kōrero me te reo o tā rātau pēpi. Mēnā he āwangawanga ōu mō te āhua o te whakarongo, te urupare rānei a tō tamaiti,me kōrero koe ki tō nehi Tamariki Ora, kaiako kōhungahunga, tō tākuta rānei.

Rārangi arowhai rongo

Kei te rongo tō pēpi?

I te 4–6 wiki, ina ohorere te pakū mai o tētahi mea, ka:

  • eke, kemo rānei ia?
  • oreore i tana moe?
  • mutu te ngotengote mō tētahi wā poto?
  • titiro whakarunga i a ia e ngote ana?
  • tangi ia?

I te 3–4 marama, ka:

  • kemokemo, tangi rānei ina pakū ohorere tētahi mea?
  • mutu te tangi, ngote rānei ina kōrero koe?
  • oho, ka oreore rānei ki ngā oro nui?
  • kū, menemene rānei ina kōrero koe?
  • anga te titiro ki ngā ahunga mai o ngā reo?
  • hiahia ki tētahi takawairore puoro?
  • mutu te nekeneke ina rongo i tētahi puoro hou?
  • mātau ki tō reo?

I te 5–7 marama, ka:

  • anga atu ia ki tētahi oro, tētahi rānei kei te kōrero?
  • tangi ina pakū ohorere tētahi mea?
  • hiahia ia ki ngā puoro?
  • mahi ia i ngā momo kūnanunanu rerekē?
  • kape ia i ētahi o ō oro?

I te 9–12 marama, ka:

  • whakautu ia i tōna ingoa?
  • tirotiro haere ia ki te rapu i ētahi oro hou – ahakoa paku nei?
  • mārama ia ki te ‘kāo’ me te ‘haere rā’?
  • whakarongo ina kōrero ngā tāngata?
  • pai ki a ia te kape i ngā oro?
  • kūnanunanu e rite ai ki te kōrerorero?
  • ngana ki te whakahoki kōrero ina kōrero koe?

Mēnā kei te mate te rongo a tō pēpi, ko te wawe o te kitea ka pai ake mō te whakawhanake i tōna reo, ako me te whakawhanaungatanga.

Kei roto i ēnei rārangi arowhai rongo, me ngā arowhai mō ngā tamariki neke atu i te 12 marama i te Pukapuka Hauora Tamariki Ora a tō pēpi.

Mō ētahi atu mōhiohio mō te mātai i te rongo a te pēpi, tirohia te paetukutuku a te National Screening Unit www.nsu.govt.nz