Referral for a Full Assessment (B4 School Hearing Screening) - Tongan version

Referral for a Full Assessment (B4 School Hearing Screening) - Tongan version

HE Code: 
HE2285
Language: 
Format: 
Leaflet A4 (online only)
Publication date: 
1 June 2010
Status: This resource is online only.
Information in Tongan for hearing technicians to give to parents and caregivers, when screening carried out as part of routine Well Child health checks indicates the need for further assessment.

Ngofua ki hano siviʻi kakato ʻo e fanongo

Siviʻi ʻo e Fanongo´

Naʻe siviʻi ʻa e tuʻunga ʻo e fanongo ʻa hoʻo tama´ ʻi he polokalama sivi angamaheni ʻa e Well Child. Naʻe hā mei heni ʻoku ngali ke ʻi ai ha palopalema pea ʻoku fiemaʻu ai ke fakahoko hano vakaiʻi. 

ʻOku mahuʻinga ke ke ʻai ha ʻapoinimeni ke:

□ Siviʻi ʻa e fanongo ʻa hoʻo tama´

ʻE malava ke ke fili pe ʻe fakahoko ʻa e siviʻi ʻo e fanongo ʻa hoʻo tama´:

  • ʻI ha falemahaki ʻe ha audiologist (tokotaha ngāue ki hono fua ʻo e fanongo´). ʻOku talaatu ʻi he tohi ʻoku ʻoatu fakataha mo e pepa´ ni ʻa e founga ki hono ʻai ʻo ha ʻapoinimeni. ʻE malava pe ke ke tatali ki ha faingamālie ʻapoinimeni.

PE

  • ʻE ha audiologist taautaha. ʻOku ʻi ai ʻa e kau audiologists ʻi ho feituʻu´. ʻOku malava ke ʻi ai ha totongi kapau ʻe fakahoko ʻa e sivi ki hoʻo tama´ ʻe ha audiologist taautaha (ʻa ia ʻoku ʻikai ngāue ʻi ha falemahaki). Te ke maʻu ʻa e ngaahi fika telefoni ki he kau audiologist taautaha ʻi he tohi telefoni´. Tomuʻa vakaiʻi pe ʻoku nau tali ke nau ngāue ki he fānau´ kimuʻa pea toki ʻai ʻa hoʻo ʻapoinimeni´.

□ Siviʻi naʻa ʻoku ʻi ai ha palopalema ʻi he lotoʻi telinga ʻo hoʻo tama´

  • ʻE hoʻo Toketa fakafāmili´. Telefoni ke ʻai ʻa e ʻapoinimeni ʻa hoʻo tama´.
  • ʻE ha neesi ki he telinga´. Kapau ʻoku ʻi ai ha Ear Nurse Clinic ʻi ho feituʻu´, ʻe maʻu atu honau fakaikiiki´ ʻi he tohi ʻoku ʻoatu mo e pepa´ ni.

Kapau ʻoku ʻi ai ha teʻetuli pe palopalema kehe ʻi he lotoʻi telinga ʻo hoʻo tama´ ʻe fiemaʻu ke tokangaʻi ia ʻe ha toketā pe neesi ki he telinga´ ke vakaiʻi pe ʻoku fiemaʻu ke faitoʻo. ʻOku malava ke ʻalu pē ʻo sai ʻa e ngaahi palopalema ia ʻe niʻihi ki he lotoʻi telinga ʻo ʻikai fiemaʻu ha faitoʻo ia ki ai.

Hili ange ʻa e moʻui ʻa e lotoʻi telinga ʻa hoʻo tama´ (hangē ko e toʻo ʻo e teʻetuli´), ʻe toe siviʻi ʻa e fanongo ʻa hoʻo tama´ ʻe ha Vision Hearing Technician (Tokotaha Ngāue Fakatekinikale ki he Sio´ mo e Fanongo´).

ʻOku mahuʻinga ke ʻiloʻi vave ʻa e palopalema ki he fanongo´ ke lava ʻo tokoniʻi ʻa hoʻo tama´.

Ki ha toe fakamatala lahi ange

  • Fetuʻutaki ki he Tokotaha Ngāue Fakatekinikale ki he Sio´ mo e Fanongo´ ʻa ia naʻa´ ne siviʻi ʻa hoʻo tama´ – ʻoku ʻi he tafaʻaki toʻomataʻu ʻo e pepa´ ni ʻa e ngaahi founga fetuʻutaki kiate kinautolu´. Te nau ala faleʻi koe fekauʻaki mo ha ʻapoinimeni ʻa hoʻo tama´.
  • Pe, talanoa ki ha audiologist, neesi ki he telinga´ pe ko hoʻo toketa fakafāmili.

fekauʻaki mo e sivi´...

Ko e sivi kakato´

Te ke lava ʻo ʻeke atu ʻi he taimi ʻe ʻai ai ʻa e ʻapoinimeni´ fekauʻaki mo e lōloa ʻo e taimi sivi´. Ko e ngaahi tesi ʻoku fakahoko ʻi he sivi´ ʻoku malu mo hao ia ki hoʻo tama´. ʻE maʻu atu ʻa e ola ʻo e sivi´ ʻi heʻene ʻosi´.

Neongo ʻoku tali lelei pē ke ke lava mai mo ha ngaahi kupu ʻo e fāmili´ ki he ʻapoinimeni´, ʻe vave ange ʻa hono fakahoko ʻo e ngaahi tesi´ kapau ʻe ʻikai ha fakahohaʻa ki hoʻo tama´ lolotonga ʻa hono fakahoko ʻo e ngaahi tesi´.

ʻE fēfē kapau ʻe ʻilo mei´ he sivi´ ʻoku ʻi ai ʻa e palopalema ʻi he fanongo ʻa ʻeku tama?

Te ke maʻu atu ʻa e ngaahi fakamatala fekauʻaki mo e tokoni ʻe ala ʻoatu ki hoʻo tama´. Kapau ʻe fiemaʻu ha toe tokoni makehe ki hoʻo tama´, ʻe totongi ia ʻe he Puleʻanga´. Te ke ala palani mo e tokotaha ʻoku´ ne fakahoko ʻa e sivi´ ʻa e meʻa te ke fiemaʻu ke hoko atu´.

ʻE fēfē kapau ʻe ʻilo mei´ he sivi´ ʻoku lelei pē ʻa e fanongo ia ʻa ʻeku tama?

Neongo naʻe fakafehokotaki mai ʻa hoʻo tama´ mei´ he sivi fanongo´, ʻe ala ʻilo mei´ he sivi fakaikiiki´ ʻoku ʻikai ha palopalema mahuʻinga ia. ʻE malava ke toki hoko ha palopalema ʻamui ange ia ki he fānau ʻe niʻihi, ko ia ai ʻoku mahuʻinga ke ke sio ki hoʻo toketa fakafāmili´ kapau ʻoku´ ke fakatokangaʻi ʻoku ʻi ai ha palopalema ki he fanongo ʻa hoʻo tama´ ʻamui ange.

Ko hoʻo ngaahi totonu´

ʻOku mahuʻinga ke ke maʻu atu ha fakamatala feʻunga hili hono siviʻi ʻo e fanongo´ ke tokoni atu ki hoʻo fakakaukauʻi pe ʻe ʻave ʻa hoʻo tama´ ke sivi kakato. ʻE malava foki ke ke fiemaʻ ʻe koe ia ke ke talanoa ki ai mo ho hoa´, fāmili´ pe kāinga´. Neongo ʻa e paasi ʻa hoʻo tama´ ʻi he sivi kakato´, ʻe kei malava pē ke hoko ha palopalema ia ki heʻene fanongo´ ʻamui ange.

Ki ha toe fakamatala fekauʻaki mo e sivi ʻo e fanongo ʻa e fānau´, pe ko hano maʻu atu ʻa e pepa´ ni, vakai ki he uepisaiti ʻa e Potungāue Moʻui´ ko e: http://www.health.govt.nz/your-health/services-and-support/health-care-services/well-child-tamariki-ora/about-b4-school-check pe telefoni taʻetotongi ki he telefoni faleʻi ki he moʻui´(Healthline) ʻa ia ʻoku ngāue houa ʻe 24, (ko e (0800 611 116).