Referral for a Full Assessment (B4 School Vision Screening) - te reo Māori version

Referral for a Full Assessment (B4 School Vision Screening) - te reo Māori version

HE Code: 
HE2295
Language: 
Format: 
Leaflet A4 (online only)
Publication date: 
1 June 2010
Status: This resource is online only.
Information in te reo Māori for vision technicians to give to parents and caregivers, when screening for ambylopia (lazy eye) as part of routine Well Child health checks indicates the need for further assessment.

Te Tukunga atu ki te Aromatawai Kitenga Nui

Te āta tirohanga o te kitenga

I āta tirohia te kitenga o tō tamaiti hei wāhi o ngā tirotiro tikanga noa o Tamaiti Ora. I whakaatu mai tēnei kei a ia pea tētahi raruraru.

He mea nui kia whakarite koe kia aromatawaitia te kitenga o tāu tamaiti. Ko te tikanga pai rawa tēnei e mōhio pū koe ki te pai o te kitenga o tāu tamaiti.

He mea nui te kite wawe i ngā raruraru kitenga kia whiwhi āwhina tō tamaiti.

Te whiwhi aromatawai mō tō tamaiti

Mahia he whakaritenga kia aromatawaitia te kitenga o tō tamaiti i tō hōhipera, e tētahi kaiwhakamātau kitenga (optometrist) RĀNEI, e tētahi tākuta karu tūmataiti (ophthalmologist) RĀNEI.

Ngā whakaritenga hōhipera

  • Ka taea pea kia whakamātauria te kitenga o tō tamaiti i tō hōhipera. Kei roto i te reta i tae tahi atu me tēnei mātārere ngā pito kōrero e whiwhia ai he whakaritenga.
  • Tērā pea me tatari koe ki tētahi whakaritenga.

Ngā kaiwhakamātau kitenga (optometrists) me ngā tākuta karu (ophthalmologists)

  • ngā kaiwhakamātau kitenga me ngā tākuta karu tūmataiti.

Te utu i te aromatawai

Ka utua ki a koe tēnei aromatawai e ngā kaiwhakamātau kitenga me ngā tākuta karu tūmataiti. Me pātai koe mō te utu ina mahi koe i te whakaritenga.

E wātea ana ki ētahi whānau he pūtea tāpiri hei utu i te aromatawai. He wāhi tēnei o te mea e huaina nei ko te Pūtea Tāpiri Mōhiti. Kei roto nei he mātārere mō tēnei pūtea tāpiri.

Mō ētahi atu pārongo:

  • Whakapā atu ki te Kaiwhakamātau Kitenga Rongonga nāna tō tamaiti i tirotiro – kei mātau nei ōna tikanga whakapā. Māna koe e tohutohu mō te whiwhinga whakaritenga mō tō tamaiti.
  • Kōrero rānei ki tō kaiwhakamātau kitenga, tākuta karu rānei, tō tākuta whānau rānei.

Mō te Aromatawai…

Te Aromatawai

Ina mahi koe i te whakaritenga me pātai koe ka hia pea tōna roa. He haumaru tonu mō tō tamaiti ngā whakamātautau ka mahia i te aromatawai. Ka whiwhi hoki koe ki te huanga mutu rā anō te aromatawai. Ahakoa he pai noa iho te mau mai he mema whānau ki te whakaritenga, ka pai kē te haere o te whakamātautau ki te kore e nui rawa ngā mea whakaware.

Pēhea ina whakaatu mai te aromatawai he raruraru kitenga tō tāku tamaiti?

Ka whiwhi pārongo koe mō te āwhina e wātea ana ki tō tamaiti. Nā ka taea tahi e koutou te whakamahere tā koutou e hiahia ana mō muri ake.

Pēhea ina whakaatu mai te aromatawai he pai tonu te kitenga o taku tamaiti?

Ahakoa i tukua mai tō tamaiti i te tirohanga kitenga, tērā pea kāore e kitea e te whakamātautau hōhonu ake ētahi raruraru nui.

Ahakoa i pāhi tō tamaiti i tēnei aromatawai hōhonu, tērā tonu pea ka whanake ētahi raruraru kitenga a muri atu.

Ō motika

He mea nui kia whai pārongo koe i muri i te tirohanga kitenga hei āwhina i a koe ki te whakatau mēnā e pīrangi ana koe kia tukua tō tamaiti kia aromatawaitia hōhonutia. Tērā tonu pea ka pīrangi koe kia matapaki tahitia tēnei me tō hoa, tō whānau rānei.

Mō ētahi atu pārongo mō te āta tirohanga o te kitenga o ngā tamariki, hei tiki ake rānei i tēnei mātārere, haere ki te paetukutuku a te Manatū Hauora, waea koreutu rānei ki te ratonga tohutohu hauora 24-hāora, te Healthline (0800 611 116).