Keeping an Eye on Your Child's Hearing (B4 School Hearing Screening) - Tongan version

Keeping an Eye on Your Child's Hearing (B4 School Hearing Screening) - Tongan version

HE Code: 
HE2284
Language: 
Format: 
Leaflet A4 (online only)
Publication date: 
1 June 2010
Status: This resource is online only.
Ko hono tokangaekina ‘a e fanongo ‘a ho‘o tama´. Web-only information in Tongan for hearing technicians to give to parents/caregivers when the child has passed hearing screening, carried out as part of routine Well Child health checks.

Sivi‘i ‘o e Fanongo´

Na‘e sivi‘i ‘a e tu‘unga ‘o e fanongo ‘a ho‘o tama´ ‘i he polokalama sivi angamaheni Well Child. ‘Oku ma‘u ‘i he polokalama sivi´ ni ‘a e lahi taha ‘o e ngaahi palopalema fekau‘aki mo e fanongo´.

Na‘e ‘ikai ma‘u ha palopalema ‘i he fanongo ‘a ho‘o tama´ ‘i he sivi ko ‘eni´. 

Ko e me‘a ke siofi ‘i he kaha‘u´

Ko e ni‘ihi ‘o e fānau ne nau paasi ‘i he sivi´ ni ‘oku fa‘a ala toki hoko ‘a e palopalema ia ki he‘enau fanongo´ ‘amui ange.

Kapau ‘oku faingata‘a ‘a e ako pe laukonga ‘a ho‘o tama´, pe faingata‘a ‘a ‘ene ako lea´ ‘e ala lava ke tupu eni mei´ ha palopalema ki he‘ene fanongo´.

‘E ‘IKAI hokohoko atu ‘a hono sivi ‘o e fanongo ‘a ho‘o tama´ ‘i he ‘apiako´, ko ia ai kapau ‘oku´ ke hoha‘a ki he fanongo ‘a ho‘o tama´ ‘oku mahu‘inga ke ke:

  1. Kole ke sivi‘i ‘enau fanongo´ ‘e ha Vision Hearing Technician (Tokotaha Ngāue Fakatekinikale ki he Sio´ mo e Fanongo´) ‘i he ‘enau ‘a‘ahi hoko´(kapau ‘oku ako ‘a ho‘o tama´ ‘i he akoteu´, lautohi´ pe ‘initamitieti´); PE
  2. ‘Alu ki ho‘o toketaa´ ke ‘oatu ha ngofua ke sivi‘i ‘a e fanongo ‘a ho‘o tama´ ‘e ha audiologist (tokotaha ngāue ki hono fua ‘o e fanongo´).

Kapau ‘oku ‘i ai ha palopalema ‘i he fanongo ‘a ho‘o tama´, ‘e lelei ke ‘ilo‘i kei taimi eni ke poupou‘i ‘enau ako´ mo ‘enau tupu hake´.

Kapau ‘oku´ ke veiveiua – vakai‘i ia!

Ki ha toe fakamatala fekau‘aki mo e sivi ‘o e fanongo ‘a e fānau´, pe ko hano ma‘u atu ‘a e pepa´ ni, vakai ki he uepisaiti ‘a e Potungāue Mo‘ui´ ko e: http://www.health.govt.nz/your-health/services-and-support/health-care-services/well-child-tamariki-ora/about-b4-school-check pe telefoni ta‘etotongi ki he telefoni fale‘i ki he mo‘ui´ (Healthline) ‘a ia ‘oku ngāue houa ‘e 24, (ko e (0800 611 116).