Keeping an Eye on Your Child's Vision (B4 School Vision Screening) - Tongan version

Keeping an Eye on Your Child's Vision (B4 School Vision Screening) - Tongan version

HE Code: 
HE2298
Language: 
Format: 
Leaflet A4 (online only)
Publication date: 
1 June 2010
Status: This resource is online only.
Information in Tongan for vision technicians to give to parents/caregivers when the child has passed vision screening for amblyopia (lazy eye), as part of routine Well Child health checks.

Siofi ‘o e mata ‘o ho‘o tama´

Sivi‘i ‘o e vakai´

Na‘e sivi ‘a e mata ‘o ho‘o tama´ ‘i he konga ‘o e sivi angamaheni ‘a e polokalama Well Child pe ‘oku´ ne ma‘u ‘a e mahaki ko e amblyopia (lazy eye) pea ‘oku ‘ilo ‘oku ‘ikai ke ne ma‘u ‘eni.

‘Oku ‘ikai kau kotoa ‘a e ngaahi palopalema ki he mata´ ‘i he sivi ko ‘eni´.

Ko e ni‘ihi ‘o e fānau na‘a nau hao ‘i he sivi ko ‘eni´ ‘e lava ke nau ma‘u ha ngaahi palopalema kehe felāve‘i mo ‘enau vakai´ pe ‘e lava ke tu‘ia ha mahaki ‘o honau mata´ ‘amui ange.

Ko hono siofi ‘o e vakai ‘a ho‘o tama´

Kapau ‘oku ‘i ai ha faingatā‘ia ‘a ho‘o tama´ ‘i he ako´ pe lautohi´, ‘oku toe ve‘ehumu ange ia ‘i he tu‘unga ko ia ‘oku angamaheni‘aki ‘i hono ta‘u motu‘a´, ‘oku fakakuikui pe fakahipehipa‘i ‘a hono ‘ulu´ ke ne lava ‘o sio lelei, pe ‘oku fa‘a hokohoko ‘a e langa ‘a hono ‘ulu´, ‘e malava ke ‘uhinga ‘eni ‘oku ‘i ai ha palopalema ‘i he‘ene vakai´.

‘E ‘IKAI ke toe sivi ‘a e mata ‘a ho‘o tama´ kae ‘oua kuo´ ne a‘u ki he ta‘u fakaako hono 7 (Year 7), ko ia ai kapau ‘oku´ ke hoha‘a fekau‘aki mo e vakai ‘a ho‘o tama´ pe ko hono mata´, ‘oku mahu‘inga ke mo sio ki ha toketā fua mata pe toketā mata.

Kapau ‘oku ‘i ai ha palopalema ‘i he vakai ‘a ho‘o tama´, ‘e hoko ‘a hono ‘ilo‘I vave ‘o ‘eni´ ke tokoni ki he‘ene ako´ mo ‘ene tupulaki´.

Kapau ‘oku´ ke veiveiua, vakai‘i leva ‘eni!

Ki ha fakamatala lahi ange felāve‘i mo hono sivi ‘o e vakai ‘a e fānau´, pe ko ha‘o fiema‘u atu ha tatau ‘o e ki‘i tohi´ ni, vakai ki he uepisaiti ‘a e Potungāue Mo‘ui´ ‘i he: http://www.health.govt.nz/your-health/services-and-support/health-care-services/well-child-tamariki-ora/about-b4-school-check pe telefoni ki he fika telefoni ta‘etotongi ki he mo‘ui lelei´, (0800 611 116).