B4 School Check: Information for Early learning services non-Auckland region – te reo Māori version

B4 School Check: Information for Early learning services non-Auckland region – te reo Māori version

HE Code: 
HE2440
Language: 
Also available in: 
Format: 
Pamphlet DLE
Publication date: 
April 2015
Order free copies:
Pamphlet in te reo Māori explaining the final Well Child health check in the year before children start school (B4 School Check) and how early childhood educators (or in some cases, the new entrant teacher) can contribute via completing a strengths and difficulties questionnaire. This resource is intended for use outside the Auckland area and contains information about how to contact a local provider in your area.

Kua eke ki te 4 tau?

Kia whakamātauria ki tō Whakamātau B4 School koreutu!

He pārongo mā ngā ratonga whare kōhungahunga

He aha te B4 School Check?

Ko te B4 School Check tētahi kaupapa utukore e tirohia ai te hauora me te whanaketanga o ia tamaiti i Aotearoa. Ka 4 tau te tamaiti, ka tirohia tana hauora, otirā, ko te tirotiro whakamutunga tēnei i raro i te kaupapa o Tamariki Ora, i mua mai i te haerenga ki te kura.

Mā te B4 School Check ka mahi ngātahi ngā kaiako whare kōhungahunga, koutou ko ngā kaimahi hauora, ki te tiaki i te hauora, i te whanaketanga, waihoki, ko te oranga tonu o te tamaiti mā te tautohu me te whakatikatika i ngā take hauora a te tamaiti, i mua tonu i tana haere ki te kura.

He aha ngā mahi i te B4 School Check?

Ka 4 tau te tamaiti, kua tae te wā mō te B4 School Check. Mēnā kāore anō ngā mātua, ngā kaitiaki rānei kia rongo kōrero i a mātou, me whakapā atu rātou ki te ratonga hauora e tika ana i tō rātou nā rohe.

Mā te nēhi rēhita e whakahaere te B4 School Check. Ka 45 meneti te nēhi e tirotiro ana i ēnei āhuatanga o te tamaiti:

  • te hauora me te whanaketanga
  • te tāroaroa me te taumaha
  • ngā niho
  • te noho ā-pāpori me ōna kare ā-roto
  • te tatau o ngā awhikiri.

Ka whakamātauria ngā taringa me ngā karu e tētahi kaiwhakamātau whatu, taringa hoki. Ka whakaritea pea tētahi wā motuhake hei whakatutuki i taua mahi.

Ka tonoa tētahi o ngā kaimahi e whai rēhita ana i tō whare kōhungahunga ki te whakakī i te rārangi pātai e kīia ana ko te Strengths and Difficulties Questionnaire (SDQ-T). Mā te kaimahi B4 School Check tēnei e whakarite, e whakamārama atu hoki ki a koutou. (Tērā te wā ka tonoa koe e ngā mātua, e te kaitiaki rānei ki te whakakī te SDQ-T.)

Ko te SDQ-T tētahi tikanga e kitea ai ngā wāhi me whai āwhina te tamaiti i mua i tana haere ki te kura. Ko te aronga nui ko ngā pūkenga e hāpai ana i te tamaiti. Kei reira hoki tētahi wāhi ki ngā ngoikoretanga a te tamaiti, hei tauira noa, ko te poto o te hihiwatanga, ko tōna whanonga me te whanaungatanga i waenganui i a ia me ētahi atu.

E kimi ana te SDQ-T i ngā kitenga me ngā whakatau a te kaiako mō ngā āhuatanga o te tamaiti i roto i ngā nekeneke o te whare kōhungahunga i ia rā.

Mā te B4 School Check e mahi ngātahi ai ngā kaimahi hauora, ngā kaimahi i roto i ngā ratonga whare kōhungahunga rātou ko ngā mātua me ngā kaitiaki tamariki kia eke ai te tamaiti ki te taumata e tika ana i tōna anō ao.

Ko ngā pārongo katoa ka puta mai i te B4 School Check ka noho muna ki ngā tāngata e āta whakaaetia ana, arā, ko te hunga e mahi ana ki te taha o te tamaiti, ko te hunga e whakahaere ana i te B4 School Check, i āna punaha pārongo rānei.

Te kaupapa matua o te B4 School Check

Mā te tirohanga hauora nei ka whai wāhi mai ngā mātua me ngā kaitiaki o te tamaiti mā te tuku pātai, mā te whiwhi pārongo mō te hauora o tā rātou tamaiti me te mōhio kua rite tā rātou tamaiti ki te haere ki te kura.

Mā te kaupapa nei hoki e tūhonohono ngā whānau ki ngā ratonga hauora, kia ea ai ngā take hauora a te tamaiti.

Mā te āta tirotiro i te hauora me te whanaketanga o ngā tamariki e 4 tau te pakeke e kitea wawe ai ngā take hauora, ka mātua kitea atu anake i te wā ka pakeke ake a ia. He mea nui kia tirohia te tamaiti i mua i tana haere ki te kura me tana ekenga ki te taumata ako hou.

Te wāhi nui ki ngā whare kōhungahunga

He wāhi nui tō te ao mātauranga me te ao hauora i tēnei tino kaupapa tirotiro hauora.

He mea nui tō hononga ki ngā tamariki me tō mōhiotanga ki a rātou i te B4 School Check.

He mea nui ngā pārongo mō ngā akoranga me te whakanaketanga o te tamaiti ka tukuna atu e koe i te B4 School Check ki ngā mātua, ki ngā kaitiaki, ki te Manatū Hauora me Te Tāhuhu o te Mātauranga.

Āwhinatia mai

He tono āwhina tēnei:

  • ki te mahitahi ki ngā nēhi ki te whakaoti i te rārangi pātai mā ngā whare kōhungahunga e pā ana ki ngā pūkenga me ngā ngoikoretanga a te tamaiti (te pepa SDQ-T)
  • ki te whakatairanga i te B4 School Check mā te whakamārama atu ki ngā mātua he tirotiro hauora UTUKORE tēnei, me te akiaki i a rātou ki te whakaae mai ki te kaupapa
  • ki te tautoko me te akiaki i ngā mātua, i ngā kaitiaki hoki ki te haere ki ngā ratonga hauora e tika ana mēnā ka puta mai ētahi take hauora ki tā rātou tamaiti.

Kia whiwhi mōhiohio anō