Let’s Choose to End Harmful Gambling – Samoan version

O e popole i le taalo faitupe o se tasi? Aua le tu’ua fa’apea e iai lava se taimi e tu’u ai.

Choice not chance - let's choose to end harmful gambling

Fa’ailoilo

So’o se vaega lava olo’o ta’ua i lalo e ono avea ma amataga o se fa’afitauli:

• Fa’atupuina le naunau e ta‘alo faitupe ina ia toe maua mai tupe ua gau
• Tele taimi ma tupe ua fa‘aalu i ta’aloga faitupe e le‘i fuafuaina
• Pepelo i uo po’o aiga e ufiufi ai le ta‘alo faitupe
• Lagona le mā ma le popole ona o ta‘aloga faitupe
• Ua lē toe fiafia i uo, aiga po’o nisi lava mea

"Mai le to’atolu o nisi ua masani i le ta’aao i masini poka, o le to’atasi o i latou nei e mautinoa ua avea o sona fa’afitauli le ta’alo faitupe."

Fesoasoani ia te oe lava

Talanoa atu i se tasi

Atonu ua leva ona mātauina e au uo ma ou aiga, olo’o iai sou fa’afitauli po’o latou masalomia fo’i ma iloa o le ta’alo faitupe. Talanoa i ai. O le galulue fa’atasi e te ono mafaia ai ni auala e fofō ai le fa’afitauli pe sa’ili ai fo’i mo fesoasoani.

Afai e te lagona e lē mafai ona e talanoa i au uo ma ou aiga, fa’ata‘ita‘i ona vili le numera vilifua Gambling Helpline 0800 654 655 po’o auaunaga fesoasoani e lē totogia olo’o latalata ane.

Fautuaga

Manatua, olo’o tele fesoasoani e mafai ona e maua, ma o le vave ona e sa‘ili mo se vaifofō, o le faigofie fo‘i lea ona fō‘ia le fa’afītauli:

• Fa’amaoni ia te oe lava ma isi i ou a‘afiaga mai ta‘aloga faitupe
• Taumamao ma nofoaga e fa’aosoosoina ai oe, poo le aua e te toe alu iai
• Afai olo’o e ta’alo faitupe pea, ia fa’aalu na o tupe e te gafatia pe a lē toe maua mai, tu‘u lau bankcard i le fale
• Fa’afeso’ota’i se auaunaga fesoasoani e leai se totogi
• Asiasi i le choicenotchance.org.nz mo nisi fa’amatalaga.

“Na i’u lava ina ou talosaga mo se fesoasoani, ma e latou te le’i fa’amasinosino maia a’u. Ou te fa’amalosi’au atu i isi tagata ina ia vave ona sa’ili se fesoasoani.”

Fesoasoani mo se isi tagata

Afai ua e popole ona o le ta‘aalo faitupe a ni isi ua afaina ai latou ma isi fo’i tagata, atonu o le mea tonu lava lena olo’o tupu. Atonu o le lagona māasiasi ua avea ma auala ua lē mafai ai ona iloa ma maua ai se auala e tu’u ai. O ni isi ua manatu o se mea e tafafao ai, ae lē iloa, o le ta’aalo faitupe ua tulai mai o se fa’afitauli.

O le vave ona maua o ni auala e galulue fa’atasi ai ma isi e fo‘ia le fa’afitauli, o le vave fo’i lea ona togafitia. O le telefoni vilifua a le Gambling Helpline 0800 654 655 e maua ai se fesoasoani fa’alilolilo mo i latou e ta‘aalo faitupe ma nisi olo’o e popole iai.

Auala e mafai ona e fesoasoani ai i se tasi

• Ta‘u iai suiga ua e va’aia i a latou amioga ma fa‘aali iai ou lagona
• Fa’alogo. Fa‘ailoa iai e te alofa ia i latou, ma e te avanoa i so’o se taimi e mana‘oma ai se fesoasoani
• Aua le avea iai ni tupe. Ta‘u iai e mafai ona e fesoasoani i le fa’asoasoaina o ā latou tupe
• Fa‘aavanoa ni ou taimi e lagolago ai i latou ma taumafai e tata‘i e fai ni isi mea
• Fesoasoani iai e fa’afeso’ota’i le Gambling Helpline po’o auaunaga fesoasoani e lē totogia olo’o latalata ane.

“Va’ai lelei alo ma fanau, ma ia o tatou ola fetausia’i.”

“O lau filifiliga e te lelei ai, o lau filifiliga fo’i e te leaga ai”

Gambling Helpline 0800 654 655

Pasifika Gambling Helpline 0800 654 657

Mo ni fa’amatalaga, ma se lagolago, ma le lisi o auaunaga olo’o latalata ane choicenotchance.org.nz