Let’s Choose to End Harmful Gambling – te reo Māori version

Let’s Choose to End Harmful Gambling – te reo Māori version

HE Code: 
CNC025
Language: 
Also available in: 
Format: 
Leaflet DLE
Revision date: 
July 2014
Status: This resource is online only.
Information in te reo Māori about what to do if you or someone you know has a gambling problem. Produced by the Health Promotion Agency.

Note: The PDF for this resource is in te reo Māori and English.

Mehemea he āwangawanga ōu, mō ngā mahi petipeti a tetahi tangata, kōwhiritia te tirohanga o tenei pānui. Kaua e waiho rokohanga noa.

Choice not chance - let's choose to end harmful gambling

Hei tirohanga atu

Mēnā ka ohorere koe ki ētahi o ēnei kōrero e whai ake nei, he tohu tēnā kei te pāngia koe e te mate petipeti:

  • E pau ana te wā, e pau ana hoki ngā moni, mō te mahi pukanoa
  • E teka ana ki te whānau, kia kore ai rātou e mōhio e mahi petipeti ana koe
  • E noho taimaha ana te wairua, e pōraruraru ana mai i ngā mahi petipeti
  • Ka kore koe, to whānau hoki, e whai rawa oranga ranei, nā te pau o ngā moni i ngā mahi petipeti
  • Te hiahia tonu ki te mahi petipeti, te whai i ngā moni kua pau i te tuatahi
  • He ngoikore, he koretake, kore whai whakaaro ki ētahi atu mahi
  • Te īnoi moni, i ō hoa, i tō whānau, i tō wāhi mahi rānei.

“Tokorua o te tokorima o ngā kaitākaro mihini pūrere petipeti kei te pāngia i te mate mahi petipeti.”

Te hikoi tuatahi, he hīkoi whakamana

Ko te mea hoki, e mōhio ana, e āwangawanga ana, ō hoa, tō whānau hoki, kei te pāngia koe e te mate, ā e whakapae ana, e whakapono ana rātou, he mate petipeti. Me kōrero koe ki a rātou. Ka kitea pea he huarahi hei whakaora i tēnei mate, he ritenga āwhina rānei.

Mēnā, e whakaaro ana koe, kāhore e taea e koe te kōrero ki ō hoa, ki tō whānau rānei, me waea (waea utu kore) ki te Gambling Helpline (0800 654 655), ki ngā roopu tautoko, roopu āwhina rānei, kei te pātata ki a koe.

Me aha koe?

Kia mahara koe, kāhore i ā koe anake, kia tere ake tō rapu āwhina, ka tere hoki te ora. Me mau koe i ēnei:

  • Kia pono ki a koe, me ētahi atu, mō te āhuatanga ō tō mahi petipeti e pā nei ki a koe me rātou
  • Mehemea ka haere tonu koe ki te mahi petipeti, whakaritea he whāititinga, ā waihotia o kaari pēkē (kaari moni) ki te kāinga
  • Kaua e haere ki ngā whare petipeti, mahia he ritenga rāhui, hei aukati i a koe anō mai i ngā whare petipeti
  • Whakaurua mai tō whānau, o hoa rānei, hei hāpai i ngā tikanga aukati i ngā mahi petipeti. Ka māmā ake tenei taimahatanga menā kei te tautoko rātou i a koe
  • Whakapā atu ki ngā ratonga āwhina utu kore
  • Whakapā mai ki te paetukutuku choicenotchance.org.nz mō ētahi atu pānui, ētahi ritenga anō hoki.

"I te mutunga iho, i haere ahau ki te inoi āwhina moku, ā kahore ahau i whakawākia. E tautoko ana hoki ahau i te kaupapa, kia horo te haere ki te rapu āwhina."

Te āwhina i tetahi atu tangata

Mēnā he āwangawanga āu, mō ngā mahi petipeti o tētahi tangata, ā, kei te pā hoki te mate ki a ia ki ētahi atu rānei, ae kei te tika pea tō whakaaro. E noho whakamā ana pea rātou kāhore e mōhio ana me pēhea rātou e puta ai i tēnei mate.

Ki ētahi hoki he mahi harikoa kē, te mahi petipeti, Ā, kāhore e mōhio ana, kei te āhua pāngia anō rātou i te mate petipeti.

Ētahi tikanga hei āwhina

  • Me kōrero atu koe ki a rātou, kei te kite koe i tō rātou āhua, o rātou tikanga, ā, me te kōrero atu hoki he pēhea ēnei ki tō wairua
  • Whakarongo. Ki atu ki a rātou kei te whakaaro nui koe mō rātou, ā, kei kona tonu koe hei tautoko hei āwhina hoki i a rātou
  • Kaua e hoatu moni he moni ki a rātou. Me kī atu kei te hiahia kē koe ki te āwhina i ā rātou ki te tiaki i ō rātou moni
  • Me noho mō te wā ki tō rātou taha, ā, ka rapua ētahi atu tikanga mahi, tākaro rānei
  • Me kī atu, māu e karanga te Gambling Helpline, ki tētahi o ngā roopu āwhina, ratonga utu kore, kei te pātata ki a koe, ki tōna ake kāinga rānei.

"Whakatairangatia ngā ritenga whānau, mā tetahi e tiaki e manaaki i tetahi atu."

Gambling Helpline – 0800 654 655

  • Māori Gambling Helpline 0800 654 656
  • Mō etahi pānui whakamārama me te rārangi rātonga āwhina – choicenotchance.org.nz

"Kua takoto te rākau, tākina te wero!"
"The branch has been laid down, take up the challenge!"

Choice not chance - let's choose to end harmful gambling