Make Your Car Smokefree - Sāmoan version

‘la taofia le ulaula i lau ta‘avale

Mo le faaitiitia o le afaina o tamaiti mai le asu o tapaa o ula e isi tagata, e amata atu i le aso 28 Novema 2021, o se solitulafono le ulaula i totonu o se taavale pe afai o loo iai faatasi ma tamaiti e lei atoa le 18 tausaga le matutua.

‘O le ulaula i le ta‘avale e āfāina ai lua fānau ona:

• ʻOleʼā latou mitiʼia ai asu o sikaleti a isi, ma o tamaiti latou te manavaina le asu o sikaleti a isi e sili atu ona latou ono maua i ni maʼi e pei o faʼamaʼi o le fatafata, taliga tutuli ma le maʼi sela.
• ʻO tupulaga talavou e iai a latou uō/ʼaiga e ulaula e sili atu foʼi ona ono ʻavea i latou ma tagata ulaula.

ʻO le asu mai le sikaleti a isi i totonu o lau taʼavale

ʻO le asu mai le sikaleti a isi e āfua mai lea i le muli sikaleti ʻoloʼo ola faʼapea ma le asu e feula mai e le tagata ulaula. ʻOloʼo iai ma le sili atu i le 200 kasa ma isi vai ʻoʼona, ʻo nisi e ono maua ai i le kanesa.

• ʻO le tatalaina o faʼamalama e lē mafai ona ʻaveʼese ai le tele o kasa ma vai ʻoʼona.
• E tūmau pea kasa ma vai ʻoʼona tusa lava pē ʻua teʼa le asu ma le manogi.
• E lē mafai ona ʻalofia e tamaiti le asu o sikaleti a isi ʻaʼo iai i totonu o le taʼavale.

ʻO ʻauala faigōfie e taofia ai le ulaula i lau taʼavale

• ʻIa fai se tulāfono – e sā le ulaula i le taʼavale i taimi ʻuma.
• Fufulu le tālefulefu o lau taʼavale.
• ʻAveʼese le afi tutu sikaleti mai le taʼavale.
• Faʼailoa i isi tagata – faʼapipiʼi se faʼailo “E Sā le Ulaula” i le faʼamalama o lau taʼavale.
• Fai i lou ʻāiga e lagolago ʻoe i le taofia o le ulaula i lau taʼavale.

ʻIa ʻavea ʻoe ma faʼataʼitaʼiga lelei ma ʻaua neʼi ulaula ʻaʼo iai tamaiti i soʼo se taimi. E faʼaitiitia ai le ʻavea o i latou ma tagata ulaula.

www.smokefree.org.nz/secondhandsmoke